‘बेहुली’को छायाङ्कन ४५ दिनमा सम्पन्न, भदौ १२ मा प्रदर्शन तय
0
Shares
काठमाडौं । बहुप्रतीक्षित नेपाली फिल्म बेहुली को सम्पूर्ण छायाङ्कन ४५ दिनमा सम्पन्न भएको छ। निर्माण टिमका अनुसार दुईवटा गीतको छायाङ्कन भने बाँकी रहेको छ। फिल्म भदौ १२ गते दर्शकमाझ रिलिज हुने भएको छ।
पारस बम ठकुरी (कुलब्वाय), दिव्या रायमाझी र शुशान्त कार्की मुख्य भूमिकामा रहेको फिल्मलाई ‘द डिभाइन म्युजिक’ र ‘सम्मान इन्टरटेन्मेन्ट’ले निर्माण गरेका हुन्।
फिल्मको रिलिज नजिकिँदै गर्दा कुलब्वाय र दिव्याको जोडीप्रति दर्शकमाझ विशेष चासो देखिएको छ। ‘होस्टेल ३’ मार्फत परिचित कुलब्वाय यसपटक प्रेमकथामा देखिँदैछन्, जसले फिल्मप्रति उत्सुकता थपेको छ।
