0
Shares
‘वसन्त पञ्चमी’ को शुभ अवसरमा रघुजी फिल्म्सले घोषणा गरेको नयाँ रियालिटी शो ‘कमेडी किड्स’ को आज महाशिवरात्रि को दिनबाट डिजिटल अडिसन खुला गरिएको छ।
रियालिटी शो ‘कमेडी किड्स’ मा भाग लिन इच्छुकले बढीमा २ मिनेट लामो भिडियो बनाएर व्हाट्सएप, जिमेल अथवा भाइबरमा पठाउन सक्नेछन्। भिडियो मोबाइलबाट खिचेर पठाउन सकिनेछ।
सहभागीले एक्लै अथवा समूहमा भिडियो बनाएर पठाउन सक्नेछन्। डिजिटल अडिसनबाट छानिएका प्रतिभालाई फिजिकल अडिसनमा बोलाइने र उत्कृष्टलाई छानेर शोको फर्म्याट अनुसार कार्यक्रममा अघि बढाइने निर्देशक खनालले बताए। भिडियो पठाउँदा आफ्नो नाम, ठेगाना र सम्पर्क नम्बर अनिवार्य रूपमा समावेश गर्नुपर्नेछ।
भिडियो पठाउने जिमेल [email protected] रहेको छ भने नम्बर 9702091421 रहेको छ।
बालबालिकाहरूलाई लक्षित गरी निर्माण गरिने शोमा ४ देखि १४ वर्षसम्मको उमेर समूहका बच्चाहरूले भाग लिन सक्नेछन्, रघुजी फिल्म्सका संचालक रघुनाथ सापकोटाले बताए। सन्तोष खनालले निर्देशन गर्ने शोको जुरी टिम र अन्य टिम फाइनल भई सकेको र अब छिट्टै सार्वजनिक गरिने आयोजक टिमले जानकारी दिए।
डिजिटल पार्टनर ओएसआर डिजिटल र भोटिंग पार्टनरमा ओएसआर कनेक्ट रहेको छ। रियालिटी शो राष्ट्रिय टेलिभिजनबाट प्रशारण हुनेछ। प्रतियोगितामा विजेताले नगद पुरस्कार प्राप्त गर्नेछन्।
