सलमान खानको ‘सिकन्दर’को विस्फोटक टिजर सार्वजनिक

बलिउड सुपरस्टार सलमान खानको आगामी एक्सन थ्रिलर फिल्म ‘सिकन्दर’ को नयाँ टिजर बिहीबार सार्वजनिक भएको छ।

एआर मुरुगदोसको निर्देशनमा तयार भएको यो फिल्मलाई उच्च-अक्टेन मास इन्टरटेनरको रूपमा प्रस्तुत गरिएको छ। फिल्ममा सलमानसँगै रश्मिका मन्दाना र काजल अग्रवाल प्रमुख भूमिकामा रहेका छन्। ‘सिकन्दर’ आगामी मार्च २८ मा प्रदर्शन हुने तयारीमा छ।

टिजरको सुरुवातमा सलमानले आफ्नो नामको पछाडिको कथा सुनाउँदै गरेका छन्। भिडियो अघि बढ्दै जाँदा, उनले समाज सफा गर्न आएको घोषणा गर्छन्। टिजर हिन्दी फिल्म शैलीका दमदार संवादले भरिएको छ भने रश्मिका मन्दाना र अभिनेता सत्यराजलाई पनि परिचय गराइएको छ।

‘सिकन्दर’ ले सलमानलाई निर्माता साजिद नाडियाडवालासँग पुन: जोडेको छ, जसले ‘किक’ र ‘मुझसे शादी करोगी’ जस्ता ब्लकबस्टर फिल्म दिएका छन्।

यो फिल्म सलमानका लागि निकै महत्वपूर्ण मानिएको छ, किनकि उनको पछिल्लो रिलिज ‘टाइगर ३’ ले अपेक्षाकृत दर्शक तान्न सकेन। सलमानसँग आगामी प्रोजेक्टहरूमा करण जोहरको ‘द बुल’ र बहुप्रतीक्षित ‘टाइगर भर्सेस पठान’ समेत छन्, जसमा उनी फेरि एक पटक शाहरुख खानसँग स्क्रीन सेयर गर्नेछन्।