0
Shares
रेहान प्रोडक्सनको ब्यानरमा निर्माण भएको नयाँ नेपाली फिल्म ‘मुगलान’ आगामी पुष १० गते (डिसेम्बर २५) देखि देशभर प्रदर्शनमा आउने भएको छ। निर्माण टिमले सोमबार फिल्मको फस्ट लुक (पहिलो पोस्टर) सार्वजनिक गर्दै प्रदर्शन मिति घोषणा गरेको हो।
सार्वजनिक पोस्टरमा अभिनेता प्रभात पाल र अभिनेत्री स्मारिका ढकाललाई ग्रामीण भेषभूषामा देखाइएको छ। प्रभात बासुरी बजाउन लागेको मुद्रामा देखिन्छन् भने स्मारिका लजाएको भावमा प्रस्तुत छिन्, जसले उनीहरूबीचको प्रेम सम्बन्धको संकेत गर्दछ। फिल्मले नेपाली गाउँ–समाज र परदेश–पृष्ठभूमि समेट्ने कुरा यो पोस्टरले झल्काउँछ।
फिल्ममा प्रभात पाल, स्मारिका ढकाल, श्री शिवांशु, दिनेश डीसी, मोती सुबेदी, रामचन्द्र अधिकारी, ख.ब.पु., राजु राज सोनी, रश्मी भट्ट, जीवन गौतम, र सबिन बास्तोला लगायतका कलाकारहरूको अभिनय रहेको छ।
फिल्मको लेखन र निर्देशन आशिष ढकालले गरेका हुन्। गोमन सिंह निर्माता र रिता चौधरी सह–निर्माताको रूपमा रहेका छन्। फिल्मको सम्पादन तारा थापा ‘किम्भे’, द्वन्द्व निर्देशन जय बिष्ट र राम गुरु, संगीत निर्देशन किरण भुषाल, तथा बिजिएम रिदम कँडेलले गरेका छन्।
गायनमा: शान्तीश्री परियार, प्रताप दास, बेनिशा पौडेल, हरि गिरी (विमर्शी)
गीत रचना: आशिष ढकाल, सिर्जना लम्साल, हरि गिरी (विमर्शी)
कोरियोग्राफी: देवेन्द्र कुँवर
छायांकन (DOP): अजय रेग्मी
निर्माण टिमका अनुसार, ‘मुगलान’ फिल्मले युवाहरूको परदेशको सपना, गाउँघरको प्रेम, र जीवन संघर्षको कथालाई उजागर गर्नेछ।
हाल फिल्मको प्रचार–प्रसार तीव्र गतिमा अघि बढाइएको छ र यसको वितरणको जिम्मा आर आर फिल्म्सले लिएको छ।
