0
Shares
राष्ट्रपति कार्यालय शीतलनिवासमा आयोजित विशेष समारोहमा नवनियुक्त प्रधानमन्त्री बालेन शाहले पद तथा गोपनीयताको शपथ ग्रहण गरेका छन्। राष्ट्रपति समक्ष उनले देश र जनताको हितमा काम गर्ने प्रतिबद्धता व्यक्त गर्दै औपचारिक रूपमा कार्यभार सम्हालेका छन्।
शपथ ग्रहण समारोहमा पूर्वप्रधानमन्त्रीहरू पुष्पकमल दाहाल प्रचण्ड, माधवकुमार नेपाल, झलनाथ खनाल तथा बाबुराम भट्टराई सहभागी भई शुभकामना दिएका छन्।
त्यस्तै, अन्तरिम सरकारका पूर्वप्रमुख तथा सर्वोच्च अदालतका पूर्वप्रधानन्यायाधीश खिलराज रेग्मी समेत समारोहमा उपस्थित थिए। उनीहरूको उपस्थितिले कार्यक्रमलाई विशेष बनाएको थियो।
यद्यपि, पूर्वप्रधानमन्त्री तथा नेकपा एमालेका अध्यक्ष केपी शर्मा ओली समारोहमा सहभागी भएनन्। साथै, नेपाली कांग्रेसका पूर्वसभापति तथा पूर्वप्रधानमन्त्री शेरबहादुर देउवा विदेशमा रहेका कारण उपस्थित हुन सकेनन्।
शपथ ग्रहणसँगै प्रधानमन्त्री बालेन शाहले औपचारिक रूपमा आफ्नो कार्यकाल सुरु गरेका छन्।
