महान्यायाधिवक्ता भण्डारी ६ महिनाको छोटो कार्यकालमा बदनामीको लामो सूचिसहित बाहिरिदै

प्रधानमन्त्री सुशीला कार्की पदीय जिम्मेवारीबाट बिदा भएपछि महान्यायाधिवक्ता सविता भण्डारी बरालले पनि पदबाट अवकाश लिने निश्चित भएको छ। उनले राष्ट्रपति रामचन्द्र पौडेलसमक्ष राजीनामा बुझाउने तयारी गरेकी छन्।

करिब साढे ६ महिनाको कार्यकालमा भण्डारीले गरेका केही निर्णयहरू विवादमा तानिएका थिए। आफू र परिवारसँग जोडिएको होप फर्टिलिटीको डिम्ब तस्करी प्रकरणमा मुद्दा नचल्ने निर्णय, रवि लामिछानेसम्बन्धी आरोपपत्र संशोधन, तथा राजस्व चुहावटसम्बन्धी फाइलमा मुद्दा नचलाउने निर्णयलगायत विषय आलोचित बनेका थिए।

यसैगरी, नाबालिग जबर्जस्ती करणी मुद्दा र केही उच्च-प्रोफाइल आपराधिक मुद्दामा पनि कार्यालयको निर्णय विवादमा परेको थियो।

भण्डारीको कार्यकाल समाप्तिसँगै अब नयाँ महान्यायाधिवक्ता नियुक्त हुने तयारी भइरहेको स्रोतले जनाएको छ।