निर्माता म्याक्स दिपेश खत्रीका अनुसार, फिल्मले प्रदर्शनको छैटौं दिन बुधबारसम्म देशभर करिब २ करोड ४० लाख रुपैयाँ ग्रस कमाइ गरेको छ। यद्यपि, चलचित्र विकास बोर्डको आधिकारिक बक्सअफिस तथ्यांक भने आउन बाँकी रहेको उनले बताए।

पहिलो सप्ताहन्तको तुलनामा मध्य साता प्रवेश गर्दै फिल्मको दर्शक चाप अझै बढ्दो रहेको निर्माणपक्षको दाबी छ। केही स्थानमा शो संख्या थपिएको र दर्शक उपस्थिति पनि स्थिर रूपमा कायम रहेको जनाइएको छ।

विवाद र आलोचनाबीच पनि लालीबजारले व्यापारिक रूपमा गति लिनु फिल्मप्रति दर्शकको चासो कायम रहेको संकेतका रूपमा हेरिएको छ।