0
Shares
केन्द्रीय कारागार सुन्धाराबाट जन्मकैद सजाय भोगिरहेकी एक महिला कैदी फरार भएकी छन् । शुक्रबार बिहान करिब साढे १ बजेतिर उनी कारागारको पर्खाल नाघेर भागेको जानकारी सार्वजनिक भएको हो ।
कारागारका जेलर कृष्ण चापागाईं का अनुसार फरार हुने महिला २५ वर्षीया सपना तामाङ हुन् ।
उनी अपहरण, शरीरबन्धक तथा कर्तव्यज्यानजस्ता गम्भीर मुद्दामा जिल्ला अदालत रसुवा बाट दोषी ठहर भई जन्मकैद सजाय भोगिरहेकी थिइन् ।
फरार भएपछि प्रहरीले उनको व्यापक खोजी सुरु गरिसकेको छ । घटनापछि सुरक्षा व्यवस्थामाथि समेत प्रश्न उठेको छ ।
यस घटनालाई लिएर अहिले प्रहरी र कारागार प्रशासनले आन्तरिक छानबिन थालेका छन् ।
