0
Shares
दक्षिण भारतीय सुपरस्टार यश ले आफ्नो बहुप्रतिक्षित फिल्म ‘Toxic’ को रिलिज ढिलाइबारे आएको प्रश्नमा स्पष्ट प्रतिक्रिया दिएका छन् । उनले फिल्मलाई समयमै भन्दा पनि “गुणस्तरीय बनाउन समय आवश्यक” रहेको बताएका छन् ।
हाल फिल्मको रिलिज मिति सरेपछि सामाजिक सञ्जालमा विभिन्न अड्कलबाजी भइरहेका बेला यशले निर्माण टिमको निर्णयको समर्थन गर्दै यो कदम दर्शकका लागि अझ राम्रो अनुभव दिनका लागि गरिएको बताएका हुन् ।
‘टक्सिक’लाई लिएर पछिल्ला दिनमा चर्चा झन् बढेको छ, विशेषगरी फिल्ममा अभिनेत्रीहरू तारा सुतारिया र कियारा आडवाणी को सम्भावित भूमिकालाई लिएर दर्शकमा उत्सुकता थपिएको छ ।
निर्माण पक्षका अनुसार फिल्मको भिजुअल क्वालिटी, कथावस्तु र पोस्ट–प्रोडक्सन कार्यलाई उच्च स्तरमा पुर्याउन समय लिइएको हो । यशले पनि यस्ता ठूला प्रोजेक्टहरूमा “हतारभन्दा परिपक्वता महत्वपूर्ण” हुने बताएका छन् ।
‘केजीएफ’ सिरिजबाट प्यान–इन्डिया स्टार बनेका यशको यो फिल्मलाई लिएर दर्शकमाझ ठूलो अपेक्षा छ । ‘टक्सिक’लाई उनको करियरका सबैभन्दा महत्वाकांक्षी प्रोजेक्टमध्ये एक मानिएको छ ।
रिलिज ढिलाइ भए पनि फिल्मप्रतिको क्रेज भने लगातार बढिरहेको देखिन्छ, जसले ‘टक्सिक’लाई आगामी समयको सबैभन्दा प्रतिक्षित फिल्ममध्ये एक बनाएको छ ।
