‘कबड्डी ५’को गीत ‘थाक खोला’ सार्वजनिक

0 Shares

फिल्म ‘कबड्डी ५’को नयाँ गीत ‘थाक खोला’ सार्वजनिक भएको छ। कालीप्रसाद बाँस्कोटाको स्वर, शब्द तथा संगीत रहेको गीत फिल्मको पछिल्लो प्रमोसनल सामग्रीका रूपमा सार्वजनिक गरिएको हो।

‘थाक खोला’मा कालीप्रसाद बाँस्कोटाकै शब्द तथा संगीत रहेको छ। गीतले फिल्मको कथावस्तु र परिवेशसँग जोडिएको मौलिक नेपाली स्वाद प्रस्तुत गर्ने प्रयास गरेको छ।

गीत सार्वजनिक भएसँगै ‘कबड्डी ५’को प्रतीक्षामा रहेका दर्शकमाझ यसको चर्चा सुरु भएको छ। कालीप्रसाद बाँस्कोटाको संगीतमा यसअघि ‘कबड्डी’ सिरिजमा लोकप्रिय बनेका गीतहरूको प्रभावलाई समेत दर्शकले सम्झिरहेका छन्।

‘कबड्डी ५’ रामबाबु गुरुङको निर्देशनमा तयार भएको फिल्म हो। फिल्म ‘कबड्डी’ सिरिजको पाँचौँ संस्करण भएकाले यसको नयाँ गीतलाई पनि दर्शकले चासोका साथ हेरेका छन्।

फिल्ममा दयाहाङ राई, विजय बराल, बुद्धि तामाङ, विपीन कार्की, रिश्मा गुरुङ र सिर्जना गुरुङसहित कलाकारको अभिनय छ।

बासुरी फिल्म्सको प्रस्तुतिमा बनेको फिल्म कात्तिक ६ गतेदेखि प्रदर्शनमा आउनेछ। फिल्मको नेपाल वितरण ब्याङ्कटेश इन्टरटेनमेन्ट एन्ड टी फल्क र विदेश वितरण सेभेन सिज इन्टरनेसनलले गर्नेछ।

सम्बन्धित समाचार

सबै