संजयलीला भन्सालीमा सिनेमा नेपालकी पूर्व मिस नेपाल एवं अभिनेत्री निकिता चाण्डक

हाल हलमा चलिरहेको ‘राजागंज’ सिनेमामा गरेको कामका लागि तारिफ बटुलिरहेकी

पूर्व मिस नेपाल निकिता चाण्डकले संजय लीला भन्सालीको सिनेमामा अनिबन्धित हुन सफल भएकी छन् ।

भन्साली ‘खामोशी’, ‘हम दिल दे चुके सनम’, ‘बाजीराव मस्तानी’ तथा ‘देवदास’ लगायतका सिनेमा एवं ‘हिरामण्डी’ वेब सिरिजका लागि चर्चित छन् ।

सिनेमामा आफू अनुबन्धित भएको जानकारी चाण्डकले आफ्नो इन्स्टाग्राम मार्फत सार्वजनिक गरेकी हुन्।

आफ्नो पोस्टमा उनले निर्माता-निर्देशक भन्सालीसँगको फोटोसहित आफूलाई मिलेको सफलताको पोस्ट राखेकी छन् ।

“सञ्जय लीला भन्साली सरको सिनेमा संसारको सानो हिस्सा बन्न पाउँदा अत्यन्तै आभारी र उत्साहित छु। भारतमा मेरो पहिलो परियोजना यसभन्दा राम्रो हुन सक्दैनथ्यो।”, उनले पोस्टमा लेखेकी छन्।

तर उनले कस्तो र कुन खाले सिनेमामा आफूलाई जोड्न सफल भएकी हुन भन्ने बारेमा भने केही जानकारी दिएकी छैनन् ।

संजय यतिबेला ‘लभ एण्ड वार’को सुटिङमा व्यस्त रहेका छन् ।