0
Shares
कान्तिपुर फिल्म एकेडेमीले नाटक घर संचालन गर्ने भएको छ ।
बिहीबार अभिनेता राजेश हमालले निर्माण हुन लागेको थिएटरको विश्व रंगमञ्च दिवसको अवसरमा शिलान्यास गरे ।
एकेडेमीले नक्साल गैरीधाराको परिसरमा नाटक घर संचालनमा ल्याउन लागेको हो । फिल्म र नाटकलाई जोडेर अघि बढाउने उद्देश्यले थिएटर निर्माण सुरु भएको एकेडेमीका प्रमुख प्रकाश पुरीले बताए ।
एकेडेमीले ९ वर्षदेखि फिल्म निर्माण र अभिनय विषयमा पठनपाठन गर्दै आइरहेको छ ।
१४४ सिट क्षमताको थिएटरको निर्माण बैशाखमा सम्पन्न हुने जनाइएको छ ।
थिएटर सुरुवातसँगै अब फिल्मका विद्यार्थीले एकेडेमीमा थिएटरसम्बन्धी पनि अध्ययन र अभ्यास गर्न पाउने अवसर पाउनेछन ।
एकेडेमीको आफ्ना विद्यार्थीसहित अन्य नाट्य समूह र रंगकर्मीलाई मंच प्रदान गर्ने जनाएको छ।
थिएटरको शिलान्यास गरेका अभिनेता हमालले थिएटरले फिल्म र रंगमञ्चमा आउन र सिक्न खोज्ने नव प्रवेशीको लागी अवसरको दायरा फराकिलो तुल्याउने धारणा राखेका थिए ।
