0
Shares
अभिनेत्री तथा चर्चित डान्सर कविता नेपालीले एक दिनको फरकमा ८ हजारभन्दा अग्ला दुई हिमालको सफल आरोहण गरेकी छन् ।
नेपालीले आइतबार सगरमाथा तथा सोमबार ल्होत्से हिमाल आरोहण गरेकी हुन् ।
निर्मल पूर्जाको कम्पनी एलिट एक्सिपीडिसनले सामाजिक संजालबाट कविताको हिमाल आरोहण पुष्टि गरेको छ ।
आइतबार कवितासहित ९ जना विदेशी एकैसाथ सगरमाथाको चुचुरोमा पुगेका थिए ।
कविताले गतसाता नै सगरमाथाको क्याम्प २ को फोटो सार्वजनिक गरेकी थिइन् ।
सर्लाहीकी कविता अन्तर्राष्ट्रिय रियालिटी शो ‘बुगी उगी’को नेपाली संस्करणकी विजेता हुन् ।
गतसातादेखि वसन्तकालिन आरोहण सुरु भएको छ ।
