0
Shares
ड्रागन मोसन पिक्चरको प्रस्तुति रहेको नयाँ गीत ‘ठिकै छ मेरी प्रिय’ को भिडियो सार्वजनिक गरिएको छ। शुक्रबार एक कार्यक्रमका बीच भिडियो रिलिज गरिएको हो।
अनुजा बरालको निर्देशनमा तयार भएको यो भिडियोले प्रेम, पीडा र द्वन्द्वको कथा प्रस्तुत गरेको छ। भिडियोमा गुरु वसिष्ठ, प्रेम परियार र श्रितिका श्रेष्ठको अभिनय रहेको छ भने गीतलाई गुरु वसिष्ठले नै गाएका छन्। गीतको शब्द शेखर थापाको र संगीत दिवेश राईको रहेको छ। निर्माण पक्षले भिडियोले दर्शक–श्रोताको मन जित्ने विश्वास व्यक्त गरेको छ।
भिडियोमा सत्यम रानाले दृश्य प्रविधि (VFX) सम्हालेका छन् भने राजेन्द्र मोक्तानले रंग संयोजन र सारथी थापाले छायांकन गरेका छन्। भिडियोको सम्पादन सन्देश शाहले गरेका हुन्। यसलाई ड्रागन मोसन पिक्चरको आधिकारिक युट्युब च्यानलमार्फत हेर्न सकिन्छ।
