विल्सनको ‘मैझारो’मा धिरज

तक्मे प्रोडक्सनको ब्यानरमा फिल्म ‘मैझारो’ निर्माण हुने भएको छ। सोमबार निर्माण पक्षले अभिनेताका रूपमा धीरज मगरलाई अनुबन्ध गरी फिल्म निर्माणको घोषणा गरेको हो। फिल्मको लेखन तथा निर्देशन बहुप्रतिभाशाली कलाकार विल्सन विक्रम राईले गर्नेछन्। यो उनको डेब्यु निर्देशन हो।

बाल्यकालमै अभिनेता राजेश हमालको फिल्म ‘साथी’मा अभिनय गरेका धीरज मगरले त्यसयता दर्जनौं फिल्ममा अभिनय गरी दर्शकको मन जितिसकेका छन्। उनले ‘मैझारो’ मार्फत निर्देशनमा पनि हात हालेका हुन्। यस फिल्ममा अनमोल गुरुङ र तोरेम्पा हाङ राईको संगीत रहनेछ भने सौरभ लामाले छायांकन गर्नेछन्। निर्माण टिमका अनुसार अन्य कलाकारहरूको नाम चाँडै सार्वजनिक गरिनेछ।

फिल्मको छायांकन साउनको पहिलो हप्तादेखि सौरभ लामाले गर्नेछन्। निर्देशक राईले फिल्मको छायांकन ईलाम र पाँचथरका रमणीय स्थानहरूमा हुने जानकारी दिए। उनका अनुसार यो फिल्म सामाजिक कथावस्तुमा आधारित ‘मैझारो’ पूर्वी पहाडको जीवनशैली, संस्कृति र सामाजिक यथार्थलाई चित्रण गर्नेछ।

तक्मे प्रोडक्सनले यसअघि निर्माण गरेका हास्य सामग्री र सांगीतिक प्रस्तुतिहरू लोकप्रिय भएका छन्। यही पृष्ठभूमिमा निर्माण हुन लागेको ‘मैझारो’प्रति दर्शक र फिल्मकर्मीहरूमा उत्साह देखिएको छ। निर्माता धीरज मगर लोकप्रिय हास्य टेलिफिल्म ‘मेरी बास्सै’ मार्फत ‘तक्मे बुढा’ नामले चर्चामा आएका थिए। उनी अभिनयका साथै गायक र संगीतकार पनि हुन्।