0
Shares
‘पूर्णबहादुरको सारङ्गी’ का निर्देशक सरोज पौडेलको नयाँ सिनेमाका रूपमा बहुप्रचारित ‘कोशेढुङ्गा’ आजदेखि सार्वजनिक प्रदर्शनमा आएको छ। फिल्मले कस्तो प्रभाव पार्ला भन्नेमा अहिले समग्र नेपाली सिनेप्रेमीको ध्यान केन्द्रित भएको छ।
यससँगै यो फिल्म डेब्यू अभिनेता मञ्जिल कुमारका लागि पनि विशेष महत्त्व बोकेको छ। सर्वकालीन हिट फिल्मका निर्देशकको निर्देशनमा पहिलोपटक अभिनय गर्ने अवसर पाएका मञ्जिलले कस्तो प्रस्तुति दिएका छन् भन्ने कुराले सबैको चासो आकर्षित गरेको छ।
पहिले नै अभिनयमा प्रमाणित भइसकेका कलाकारहरूको भिडमा आफूलाई कहाँ उभ्याउने भन्ने प्रश्न मञ्जिलका लागि महत्वपूर्ण छ। केही नाटकमा अभिनय गरेर अनुभव हासिल गरेका उनले यस सिनेमामा आफ्नो अभिनयले छाप छोड्नु जरुरी छ।
फिल्मको परिणाम जे भए पनि, उनको कामले भविष्यलाई निर्धारण गर्ने गरी स्मरणीय हुनु आवश्यक छ। यदि उनले पात्र र अभिनयमा प्रभावशाली काम गरे भने उनको फिल्मी यात्रा सुखद थालनी हुनेछ। तर यदि अभिनय सामान्य देखियो भने भने आगामी दिनमा करियर संघर्षपूर्ण बन्ने सम्भावना रहन्छ।
यद्यपि यी शंकाबीच पनि, ‘कोशेढुङ्गा’ बाट मञ्जिल कुमारले आफ्ना लागि सकारात्मक परिणाम निकाल्ने अपेक्षा गरिएको छ।
