प्रशान्त तामाङको निधनमा के भनिन् उनकी पत्नीले ?

नेपाली मूलका गायक तथा अभिनेता प्रशान्त तामाङको असामयिक निधनले उनका फ्यान र शुभचिन्तक स्तब्ध भएका छन्। ४२ वर्षको उमेरमा आइतबार दिल्लीमा उनको निधन कार्डियाक अरेस्टका कारण भएको हो।

भारतीय टिभी रियालिटी शो इन्डियन आइडल को तेस्रो संस्करणका विजेता तामाङ, परिवारका प्रिय सदस्य पनि थिए। उनका श्रीमती गीता थापा मगर (मार्था) र एक छोरी छन्। मार्थाले सबैलाई आग्रह गर्दै भनिन्, “उनी एक महान् आत्मा र महान् मानव थिए। कृपया उनलाई उनी भएका व्यक्ति जस्तो सम्झनुहोस्, मृत्युका कारणले होइन।”

मार्थाले थपिन्, “यो प्राकृतिक मृत्यु थियो। उनी निदाइरहेको समयमा नै हामीसँग थिए। संसारभरिबाट प्राप्त माया र समर्थनका लागि सबैलाई धन्यवाद।”

आज दार्जिलिङमा प्रशान्तको शवयात्रा सम्पन्न भएको छ। स्थानीय प्रशंसकहरूले शवयात्रामा पुष्पगुच्छा चढाउँदै अन्तिम श्रद्धाञ्जली दिएका थिए। जीटीए सरकारको पहलमा दिल्लीबाट दार्जिलिङ ल्याइएको शवको अन्तिम संस्कार आजै हुनेछ।