0
Shares
रणवीर सिंह अभिनित फिल्म ‘धुरन्धर’ रिलिज भएको करिब दुई महिना बितिसक्दा पनि भारतीय बक्स अफिसमा बलियो प्रदर्शन गरिरहेको छ। आदित्य धरको निर्देशनमा बनेको यो स्पाइ थ्रिलर फिल्मले आठौं हप्तामा ऐतिहासिक उपलब्धि हासिल गर्दै भारतमै १००० करोड रुपैयाँ ग्रस कमाउने चौथो फिल्म बनेको छ।
फिल्मले आफ्नो आठौं सप्ताहन्तमा भारतमा २.९ करोड रुपैयाँ नेट कलेक्सन गरेको थियो भने गणतन्त्र दिवस (२६ जनवरी) मा थप १.२५ करोड कमाउँदै घरेलु कमाइ १००० करोड ग्रस नाघ्न सफल भयो। हालसम्म फिल्मको भारतभित्र कुल कमाइ करिब ₹१००२ करोड ग्रस (₹८३५ करोड नेट) पुगेको छ।
यस उपलब्धिसँगै ‘धुरन्धर’ १००० करोड क्लबमा प्रवेश गर्ने एकमात्र बलिउड फिल्म बनेको छ। यो सूचीमा अन्य सबै फिल्म दक्षिण भारतीय छन्।
पुष्पा द रुल – ₹१४७१ करोड
बाहुबली २ – ₹१४१७ करोड
केजिएफ २ – ₹१००१ करोड
धुरन्धर – ₹१००२ करोड
‘धुरन्धर’ विदेशमा पनि सफल रहँदै आएको छ। मध्यपूर्वका केही देशमा प्रतिबन्ध हुँदाहुँदै पनि फिल्मले अन्तर्राष्ट्रिय बजारबाट ३३ मिलियन डलरभन्दा बढी कमाइसकेको छ। जनवरी २८ सम्म फिल्मको विश्वव्यापी ग्रस कलेक्सन करिब ₹१३०० करोड पुगेको छ।
फिल्ममा रणवीर सिंहसँगै अक्षय खन्ना, संजय दत्त, आर माधवन र अर्जुन रामपालको अभिनय रहेको छ। कथालाई निरन्तरता दिने यसको सिक्वेल ‘धुरन्धर २’ आगामी मार्चमा रिलिज हुने जनाइएको छ।
