0
Shares
गत साताको वक्सअफिस रिपिर्ट सार्वजनिक भएको छ । पछिल्लो शनिबार अर्थात् ९ फागुनसम्मको घरेलु बक्सअफिस विवरण अनुसार प्रदर्शनमा रहेका फिल्महरूमध्ये ‘कुमारी’ सबैभन्दा अगाडि देखिएको छ भने अन्य तीन फिल्मले प्रदर्शन बीचमै स्थगित गरेका छन्।
कुमारी, निर्देशक दिनेश राउतको फिल्मले सो अवधिसम्म देशव्यापी ६३ लाख २४ हजार ७१ रुपैयाँ ग्रस कमाइ गरेको छ। फिल्मका १९ हजार ३७९ टिकट बिक्री भएका छन्, जसले दर्शकको राम्रो साथ पाइरहेको संकेत गर्छ।
त्यस्तै, रमिताको पिरती, निर्देशक सुदिप्ता अधिकारीको फिल्मले २५ लाख ५५ हजार ८३ रुपैयाँ कमाइ गरेको छ। यसका ७ हजार ८०३ टिकट बिक्री भएका छन्।
यसबीच तीन फिल्मले प्रदर्शन बीचमै स्थगित गरेका छन्। उनीहरुको कमाइ बिर्सनलायक रहेको छ । प्राप्त विवरण अनुसार ती ३ फिल्मले निम्नानुसार व्यापार गरेका छन् ।
बिगुल — ८ लाख ९७ हजार ४१० रुपैयाँ ग्रस; २ हजार ६०९ टिकट बिक्री
श्री बुकुरो — २ लाख ७२ हजार ९३० रुपैयाँ ग्रस; ८०५ टिकट बिक्री
शिवांश — २ लाख ६१ हजार ७५० रुपैयाँ ग्रस; ७८७ टिकट बिक्री
