यस्तो बन्यो समीर र अन्नुको ‘साली हो भाटु हो’

गायक समीर आचार्य र गायिका अन्नु चौधरीको स्वरमा ‘साली हो भाटु हो’ गीत सार्वजनिक भएको छ ।

शनिबार रिलिज गीतलाई नेपमेलोले प्रस्तुत गरेको हो । गीतमा गायक आचार्यकै शब्द रहेको छ भने केशव बडुको संगीत उत्पादन छ ।

गीतमा नेपाली र थारू भाषाको मिश्रण छ । भिडियोमा थारू समुदायको रहन सहन र कला संस्कृतिलाई समेत झल्काइएको छ ।

भिडियोमा चक्र बम, उषा उप्रेती र सृजन खरेल फिचर्ड छन् ।

भिडियो जेरी भण्डारीको कोरियोग्राफी तथा निर्देशनमा तयार भएको हो । यस्तै गीतमा नवराज उप्रेतीको छायांकन, मिलन विश्वकर्माको सम्पादन छ ।