सुपरहिट फिल्मको नाममा ‘क्यास’ हुने ठानिएको ‘हामी तीन भाइ’को वक्सअफिसमा बिजोग

चलचित्र विकास बोर्डको बक्सअफिसले सार्वजनिक गरेको पछिल्लो तथ्यांकअनुसार नेपाली फिल्म ‘हामी तीन भाइ’को कमाइ अपेक्षाभन्दा निकै कमजोर देखिएको छ।

शनिबार मध्यरातसम्मको विवरणअनुसार ‘हामी तीन भाइ’ले देशव्यापी जम्मा ७ लाख २९ हजार ८०५ रुपैयाँ ग्रस कलेक्सन गरेको छ। सोही अवधिमा फिल्मका २ हजार ७६८ वटा टिकट मात्र बिक्री भएका छन्, जसले फिल्मको प्रदर्शन कमजोर रहेको संकेत गर्छ।

यता, ‘आबाट आमा’ भने बक्सअफिसमा बलियो रूपमा उभिएको छ। फिल्मले शनिबारसम्म १३ करोड १५ लाख १ हजार ५२० रुपैयाँ ग्रस कमाइ गर्न सफल भएको छ। टिकट बिक्रीको हिसाबले पनि फिल्म निकै अगाडि देखिएको छ, जहाँ ५ लाख ४ हजार ९०५ वटा टिकट बिक्री भएका छन्।

बक्सअफिस तथ्यांकले एकै समयमा प्रदर्शनमा रहेका फिल्मबीच ठूलो कमाइ अन्तर देखिएको स्पष्ट हुन्छ।